التوم هجو .. كلنا فلول و ٢٥ اكتوبر نفخر بيو ..لم نحسن ال (بل)
الجريدة
قال التوم هجو في خطاب القاه خلال مؤتمر الجبهة الوطنية ” الذي حدث في ٢٥ اكتوبر نفخر بيو ولم نحسن ال ( بل ) الذي كان يجب ان يكون نهائيًا و بنقول تاني مافي زول برجع إلا البلد ترجع… “
واضاف التوم هجو: اذا كان الفلول هم اللذين قاموا بالحرب ويديرون هذه الحرب ويقاتلون والله كلنا فلول عشان المسألة تبقي واضحه مافي حد بعد دا حايبتزانا … نحنا حقيقة بنفتكر الذي حدث في ٢٥ اكتوبر نفخر بيو وهي ثورة أحرار والثوار وكتير من الوجوه الموجوده هنا شاركت فيها فإن كان هنالك ما نأسي له أو نعتذر عليه أننا لم نكمل المشوار وأننا لم نحسن ال بل الذي كان يجب ان يكون نهائيًا ولما عدنا ان نتكلم اليوم لكن بإذن الله تعالي من هنا ومن هذه الانطلاقة ، انطلاقة الجبهة الوطنية السودانية
بنقول تاني ومن نهر النيل مافي زول برجع إلا البلد ترجع ما في زول برجع الا العرض تنتقم ليو ومافي زول برجع إلا جيشنا ينتصر ومافي زول برجع إلا نكنس البلد دي من الخونة والعملاء والخائنين وعملاء السفارات مافي زول برجع ، جيش واحد شعب واحد ”
