عابرة (45)
مشتاق ..
كلمات : محمد أحمد الحبيب
ا
لحان وأداء: محمد النصري
يادار أماني سلام
واقف على بابك
يامنبع الآلام
يا آسي أحبابك
***
قوليلا زول مُشتاق
مستني تِرحابك
عارف الزمن فرّاق
وريهو أسبابك
***
يوم جيتي أمدرمان
أنا عارف الجابك
أحكيلي بي إمعان
يعجبني إطنابِك
خلفك سواد الليل
وما أجمل أهدابك
عينيك صفاء النيل
والخُضرة جلبابك
****
يا عابرة كل محيط
يا دُرَّة أترابك
عايشك معاي شريط
في آخرو يبدابك
زيك ولافي مثيل
في نُدرة تيرابك
فرق النهار والليل
فرقك من أصحابك
****
بستان من الإلفة
ياعابره متشابك
طول عمرو ماجفَّ
كم نال من إعجابك
****
صوتك بحسُّو رنين
ومن فوقي أسرابك
زي الطيور بتبين
رفرافه أثوابك
لو غبتي بس يومين
تمتدَّ في غيابك
ومهما قعدتي سنين
يبقالي يادابك
آسرني فيك اللين
وإتعمد إغضابك
ما إنتي ف الحالتين
غارزاهو نشَّابك
